اهل الهوى
=======
اهل الهوىَ مالوا
من غدر الهوىَ اتهانوا
قالوا عليهم ياما قالوا
لا قدروا ينسوا الهوىَ
ولا اخدوا شىء من الهوىً
ولاسابوا الهوىَ فى حاله
............
ودهم يطولوا الهوىَ
لقيوا الهوى عالى
عايشين فى وسط الهوىَ
ومن الحب ما نالوا
بكوا وشكوا للهوىَ
قال الهوىَ وانا مالى
................
اهل الهوىَ
ويا الهوىَ طايرين
عايزين حبة محبه
بيبيعوا الهوى للغير
وعطاشا لكلمة محبه
يلوموا كتير على الهوىَ
يقولوله نصيبنا فين
لا رد عليهم الهوى
ولا عرفوا نصيبهم فين
عايشين حيارىَ سُكارىَ
يحكوا فى الهوىَ مواويل
بيغنوا ويا الهوىَ
بيقولوا لحن جميل
..........
اهل الهوى مجاريح
الجرح ملازمهم
طريقهم كله جروح
من اغلى أحبابهم
الحب جواهم بيبكى
من كتر مواجعهم
لا قدروا ينسوا الهوىَ
ولا ينسوا حبايبهم
...............
اهل الهوىَ مظاليم
حاسدينهم اللايمين
اهل الهوى تايهيين
عايشين ومش داريين
صاحيين للصبح ياليل
يشكولك مواجعهم
نهارهم اصبح ليل
والوحده تأَاانسهم
نسيوا النوم يا ليل
اشتاقوا لمخادعهم
ليلهم اصبح طويل
والحب مفارقهم
....................
اهل الهوى يا ليل
شافوا الضنا وياك
لا قدرت تسعدهم
ولا تمنع عنهم هواك
هجروا مضاجعهم
من قسوة الايام
بيشكوا مواجعهم
من قسوة الاحباب
عايشين مع التوهان
سَكارىَ من غير كاس
ما نالهم من الهوىَ
الا الملام من الناس
===========
كلمات قلم الصابر
السبت، 15 يناير 2011
००० اهل الهوى 000
الثلاثاء، 11 يناير 2011
००० ياعينى على القلم 000
ياعينى على القلم
=======
قالوا القلم قيمه
قلت والله القلم سيما
نشوف جواه افلام
مرسومه ومكتوبه بأيدينا
ساعه ياخدنا لاجمل مينا
ساعه يسعدنا وساعه يبكينا
...................
ياعينى على القلم لما تلجمه الايام
ترسم له سطور وتختار ليه الكلام
يبقى زى الاعمى ماشى يخبط فى الظلام
خايف يقول كلمته خايف يبقى بيها مُدان
ان كتب تلقاه تايه بيكتب أى كلام
وان سكنت ممكن يجف فيه المداد
............
ياحروف الكلام انتى ب 60 وش
ياويله اللى يصاحب حروف الغش
تلقاه يفضل يدش يحاول يزوق الوش
والوش مهما غش مسيره تكشفه الايام
والحرمهما اتزل يعيش مرفوع الراس
والكذاب مهما كذب اكاذيبه لابد تبان
............
القلم افعوان
يشبك الحروف يحزم الجمله
يرقصها 0 على واحده ونص
القلم شيطان
يرسم الحرف ويزخرف الكلمه
والجاهل من كلامه ممكن يطب
القلم نور
بنكتب بيه اسم الله
القلم نار
من اذيته بنقول الاه
القلم سلطان
ساعه يكون عادل
ويحكم بصدق الكلام
القلم سلطان
ساعه يكون ظالم
ومن خطه البرىء يُدان
ياماسك القلم دير بالك
القلم ممكن يرفع قدرك
وممكن بيه تتهان
اوعى يغريك القلم
وتنسى فى يوم ذاتك
وبيه تفضل تهين الناس
القلم زى اللسان
ممكن يطلع الكلمه جميله
وممكن يزرع الفتن بين الناس
========
قلم الصابر
الخميس، 6 يناير 2011
००० حسبنا الله 000
حسبنا الله
======
ايه العمل ............. يا اصحاب العقول
ييجى منين الامل ........... فين الضمير
احنا مين ...... وانتوا مين ..... احنا فين
احنا ليه .. تهينونا ليه .. وفى شرع مين
نروح فين نشكى لمين يأسنا يا مُسلمين
كُل شويه كام قتيل .... يتقتل بأسم الدين
بعدها .. نُشجب ونُدين ونقول ارهابيين
او نقول الفاعل عميل ..... يتبع اسرائيل
او بقدرة قادر ..... الفاعل يطلع مجنون
او يتحول الظالم ............. الى مظلوم
...................
..........
وفضيلته يقعد مع قداسته
ونقول الفاعل ده غريب
ونقيم وليمه وعشا
على روح المرحومين
اللى دبحهم اخوتهم .. بسكين الدين
والدين منهم بيصرخ .. ويقول برىء
.........
....
ياشعب مصر .. ياطيبين
الغول عايز ياكل الاتنين
يامبارك اطلع من دارك شوف البلد فين
ياجمال هِل هِلالك اظهِر معدنك الاصيل
ياشعب مصر .. بألمسيح انتم مباركين
والنبى قال أننا فى رباط الى يوم الدين
.............
الصليب صرخ ... جوه حضن الهلال
الهلال صرخ ..... وبكوا سوىَ الاتنين
.............
الصليب لو نزف ينزف الهلال وياه
الهلال لو اعتلا ينور الصليب جواه
الصليب لايستقر الا فى حضن الهلال
الهلال لو غِضِب هيغضب عليكم الله
حسبنا الله
فى كُل من يستخدم الدين فى الاعتداء
حسبنا الله
فى كُل مصرى يكن لمصر أى عداء
===========
قلم الصابر
००० يادى العار 000
يادى العار
====
يادى العار يادى العار
مصرى بيضرب مصرى بنار
والله حرام والله حرام
تقتل اخوك بفكر شيطان
فين الامن فين الامان
فين الدم راح فين الاحساس
ارض مصر ارض السلام
ولا عمرها هتكون سودان
مسيحنا الحى ملك السلام
جه مصرنا بلد الامان
شعب مصر اخوه وجيران
والرسول وصىَ على الجار
غور ياشيطان ابعد عنا
ملكش مكان فى وادى النيل
مهما تعمل مش راح تقدر
تزرع فراق بين الاخين
شعب واحد مصير واحد
قلب واحد مش قلبين
==========
قلم الصابر
००० قوم يامصرى 000
قوم يا مصرى
======
قوم يامصرى
مصر دايماً بتناديك
قوم بسرعه
امحى كُل فكر ردىء
قول لهم
مصر غاليه ع الجميع
ارفع هلالك
جوه حضنه الصليب
قول لهم
مصرهى بلد المتقين
مصر غاليه
مصر وطننا الحبيب
...........
الارهاب بلا وطن
الارهاب بلا دين
الارهاب خراب
ولايعرف معنى الضمير
فكر لئيم فكر خبيث
عايز يقضى على الاتنين
ابن اللئيم حط دسيسه
عايز يخلص من الاتنين
وهو مش فاهم اننا
شعب واحد مش شعيبن
بدعوات الانبياء يامصر
محروصه ليوم الدين
ارضك يامصر محروصه
بدعوات الصالحين
...........
مصر بلدنا غير الغير
مصر بلدنا ارض الخير
مصر مناره وفكر سليم
مصر بلدنا اساس الدين
مسيحى مسلم كُلنا مصريين
احنا واحد مش اتنين
طول عمرنا الايد فى الايد
اخوه واحباب بقلب نضيف
مفيش وسطنا حد غريب
كُلنا عيله ولينا كبير
الله موجود جوه قلوبنا
سبحانه اكبر من كُل كبير
الله مولانا وهو حبيبنا
هو حامينا صبح وليل
===========
قلم الصابر
الاشتراك في:
الرسائل (Atom)