رمضان كريم
=====
بمناسبة اقتراب حلول شهر رمضان
كًل عام ومصرنا بخير وسلام
كًل عام وأبنا وشعوب اُمتنا العربيه بخير وسلام
بحلول شهر الغفران نكون قد أستعددنا له
بقلوب نقيه تجمع شمل كُل مَن تخاصموا
فى مجال الاسره رمضان بيزعل قوى
من الاباء أو الاُمهات الذين لايشاركون أولادهم
مائدة الافطار
لو كان فيه خلاف فى الأسره رمضان يزعل مننا
رمضان بيقولك يا شاطر قبل الصيام قوم هات ام العيال
عيالك فى دارك مع اُمهم همه النور وكُل الحنان
دى النظره فى عيون ولادك نعمه كبيره من المنان
قدامنا فرصه من الآن الى قدوم شهر رمضان
لنُنهى كُل خلاف ونُزيل كُل إختلاف بالحب والإيمان
................
........
اهلاً بأغلى ضيف جاى لينا من السما
جاى وجايب معاه فوانيس ننور بيها قلبنا
يا شهر الصوم بتيجى ومعاك غفران ربنا
يا شهر السلام هنمحى الخصام من قلبنا
ننسى كُل خلاف ونجرى نصالح بعضنا
كُل الأسيه تتمحى وترجع قلوبنا صافيه لأيام الصفا
ومهما كانت متأذمه الصلح راح ينهى المشكله
ومهما كانت جروحنا فرحة رجوعنا معاها الشفا
رمضان بيقول لنا نشيل كُل الضغينه من قلبنا
بالإيمان نغسل قلوبنا وبالصيام توبه أمينه لنا
لو صٌمنا دوم وفيه بينا خصام يزعل ربنا مننا
لأن الصيام يُجلى القلوب يُدخل فيها بهجه وهنا
يتمحى منها وزر الذنوب والتوبه سهله وممكنه
كل عام وبلدى مصر
بكل كائن يحيا عليها بخير وسلام
كل عام وأمتى العربيه
بكل دولها وشعوبها بخير وسلام
..............
قلم الصابر
مصرى مسيحى
ليست هناك تعليقات:
إرسال تعليق