الحب كده
=====
الحب لُقا فى القلب رضا وللروح غذا
الحب دوى للى هوى ...... وفيه الشفا
الحب مش كلام الحب اَخد وعطا
الحب فيه ملام فيه جراح للى هوى
..................
واهه من ده على ده .... الحب كده
نحلم مره كده ..... ونحلم تانى كده
............
حبيبى لما يواعدنى ... ابات الليل متهنى
طيفه ييجى يفرحنى .. احس انه فى حضنى
ولما لوحده يخاصمنى
من غير ما يحصل شىء منى
ابات الليل مع سهدى مع حزنى
اسأل النجوم ليه حبيبى مخاصمنى
ما ترد على سؤالى ولا حتى تطمنى
وترحل بعيد ويا القمر .... اللى غاب عنى
.........
الليل يطول والظنون تيجى تتعبنى
الفكر يلف ويدور من غير دليل عندى
يقولى قلبى اياك على حبيبى تشغلنى
يبرر غيابه والاقيه مشغول عليه عنى
.........
اقول يا قلبى
بلاش تتعبنى اعتبره ذكرى وتعدى
الاقى قلبى
راح تاعبنى والاقى نبضه راح منى
اقول يا قلبى
حرام عليك ....... انت راح تقتلنى
يرد قلبى
حبيبى حبيبى ... مليش غنىَ عنه
ان غاب هيرجع
لانه حبيبى وحبى انا جوه قلبه
ان طول غيابه
هزيد فى حبه وتزيد اشواقى لقربه
ان عز اللُقا
واحنا هنا والقدر قدر يذلنى ويذله
هنتقابل هناك
بعد ما نرمى الاجساد عنى وعنه
هيكون لقانا
فوق فى السحاب والقمر هيغير منه
ونبقى سوى من غير عزول
د حبيبى وانا حُبه
=====
قلم الصابر
ليست هناك تعليقات:
إرسال تعليق