من اجل مصر
======
اخويا يا أبن بلدى ليه نكون اعداء
ليه نحارب بعض قوللى ايه الاسباب
اقنعنى بالعقل ليه عايز تهد الدار
ايه راح نستفيد من الحرب من الدمار
...............
تعالا يا خويا حط ايدك فى ايدى
تعالا يا أبن بلدى تعالا خليك قريب منى
تعالا نتحد بلاش نهدم تعالا نبنى
تعالا لو كان فيه خلاف قوللى عاتبنى
...............
اخويا يا أبن بلدى والله حرام عليك
يابن بلدى قوللى ليه الحقد دايس عليك
بالكلمه الطيبه انا راح اسلم عليك
دارى هو دارك تعالا بدى ارحب بيك
...............
مصرنا مش ملك اى حد والكلام ده بجد
مصرنا هى مصر بلد الامان وبلد الحب
مصرنا بيها نفتخر انا وانت وكل الارض
يلا نزرع فيها الامل بلاش بأيدينا نزرع شر
.............
تعالوا كلنا نتحد وجوانا تبقى كلمة يارب
ليه يا صاحبى نختلف تقدر تقوللى ايه السبب
نفسى تعرف انى اخوك ودارى دارك بجد
تعالا يا صاحبى . نمسح من قلوبنا كل حقد
==========
مع وافر احترامى
الصابر
الله الله على كلماتك يا استاذ الصابر
ردحذففعلا مميز وراقى
وموضوعها حلو جدا
دمت بكل خير