يا دنيا تلاهى
=======
يادنيا تلاهى ملاهى وفيكى العجب
فيكى اللى بيمشى ع الحبل
واللى بيروض الاسد
فيكى الفاجر عايش عايب سافل
غلاط ويعيب حتى فى الملك
او يتاجر فى الحرام والربا
ويخاف من شر الحسد
فيكى اللى لجل المال باع نفسه
فيكى اللى بالمال اشترى نفسه
فيكى اللى بالمال اشترى صاحب
فيكى اللى لجل المال باع صاحبه
فيكى اللى لجل المال باع عرضه
فيكى اللى لجل المال ضاع شرفه
...............
الحلو حلو مهما كان الوش مكشر
العفش عفش لو حاطط من الالوان جردل
الحلو حلو اللسان كلامه كما البلسم
الغش اساسه لسان يقول اقدر ولا يقدر
عاشر الطيب ابو قلب طيب هتبقى طيب
عاشر ابو وشين هيخلى كُل حياتك شين
عاشر الاصيل يصونك لو الزمن بيك مال
عاشر الندل يبيعك فى اول مفترق ببلاش
حب الدنيا تلقاها جميله
زى الورده بخدود تضحك كما التفاح
كشر واحزن تمرض
تشوفها كئيبه فيها وحوش وفيها جراح
=========
الصابر
ليست هناك تعليقات:
إرسال تعليق