مسيرك هتعرف
==========
مسيرك هتعرف ............ قيمة اللى كان ملكك
مسيرك هتندم ........... وتبكى على سوء فهمك
بكره الزمان هيعرفك ...... انا كد ايه اخلصتلك
بكره الزمان هيرد لك ... كل الاسيه والغدر لك
مسيرك هتعرف .......... قيمة اللى كان شاريك
مسيرك هتندم ....... ودموع الندم تحرق عنيك
ياما قلبى نادى عليك ........... ياما اترجى فيك
كنت بخاف عليك ..... وحقيقى كنت بغير عليك
....................
مسيرك هتعرف ........ ان هجرك لىّ كان غلط
مسيرك هتعرف .. ان السعاده بالمال لا تشترى
مسيرك هتعرف ان قلبى حبك من غير غرض
يللى الحب عندك له اسباب ... وله الف غرض
................
تعرف ولا ما تعرف ....... معدش يفرق خلاص
تفهم ولا ما تفهم ............ خلاص فات الميعاد
تبكى مهما تبكى ........... ملكش فى قلبى مكان
ومهما تنادى ....... معدتش اسمع صوت الذئاب
............
حبيبى كان حلم جميل . انت كابوس وحلم مخيف
حبيبى كان لىّ مطيع . انت كذاب يا أسوء طريق
حبيبى كان قلبه نضيف ... انت حاقد انت خبيث
حبيبى كان اسمه حبيبى .. انت عدو انت ابليس
...................
مسيرك هتعرف . ان الخيانه مش من طبعى انا
مسيرك هتعرف ... ان الأمان كان جوه قلبى انا
مسيرك هتتعب ... وهترجع تدور على قلبى انا
يللى عايش بالأنا . مستحيل تدخل تانى قلبى انا
===========
كلمات الصابر
ليست هناك تعليقات:
إرسال تعليق