حسنى لم يتنحى
=======
قالوا ::: خلاص ارتحنا ..... وحسنى أتنحى
طبلوا وزمروا وقالوا :::::::::::: والله نجحنا
وتانى يوم شفت حسنى بيه قاعد على الكرسي
قاعد يتهز ويدور ويلف .... قلت :: يا حوستى
قلت :: عجيبة ؟؟ وقلت :: غريبة والله يا شعب
على إيه طبلتوا ؟؟؟ وليه زمر توا ؟؟؟ يا شعب
البيه حسنى مازال موجود ........ وقاعد يضحك
في كل وزاره وكل أداره ..... هو رئيس للمكتب
شيلتوا مين ؟؟؟؟؟؟؟؟ يا شعب عبيط بده يهيص
ألإذناب موجودين .......... وهمه السبب الأسود
قالوا :::: حسنى كان رب الدار وبالدف بيضرب
قلت قولولى ::: ليه الرقاصين في الدار تقعد ؟؟؟
الراقصين لو قعدوا في الدار ...... يبقى هتخرب
هيرجعوا للرقص وهز الوسط .... وكله هيرقص
آه يا شعب عبيط ........ مش عارف مين عدوه
ضارب الدف طيب ..... والراقصين سبب البلوه
أقول كلمتين ..... من راجل قالوا عليه مجنون
اسألوا البيه المليونير ...... مالك ده جبته منين
هاتوا أبو جنيه .......... وهاتوا كمان أبو مليم
لخبطوهم مع بعض ............ وأعيدوا التوزيع
حرام واحد يتعشى كباب ...... والتاني يأكل فول
وتقولوا فيه عداله ... وتقولوا إننا كلنا مصريين
واحد كلبه يكح ... بسرعة يطير بيه على الدكتور
أو بالتليفون ..... ييجى الدكتور للكلب لحد البيت
والتاني ابنه مريض ولا يملك تمن كشف الدكتور
قاعد محتار والواد بيأن راح داعكه بشوية زيت
قالوا : العدل اساس الحكم قلت :: العدل راح فين
ولا يكون العدل هو العادلى .. وإحنا مش عارفين
قالوا :: استنوا شويه وأنتوا تشوفوا هنعمل إيه
قلنا :::: ومالوا راح نستنا ونشوف أخرتها ايه
وعلى رأى المثل .... عايشين عرايا بقالنا سنين
يبقى مش لازم نشتكى الخياط .... علشان يومين
نصبر شهر نصبر سنه .... المهم عايزين نعيش
نشوف العدل ماسك سيف ..... والميزان مرفوع
ونعيش قلوبنا على بعضا .... علشان بلدنا تعيش
وبجد نعرف ربنا ....... بعيد عن الغش والتزوير
خلوها على الله يا شعب مصر ... ونتفاءل بالخير
حطوا أيديكم في أيدين بعضكم ..... والصبر جميل
===========
قلم الصابر
ليست هناك تعليقات:
إرسال تعليق