حقيقى خدعتنى
=====
حقيقى خدعتني
ولأول مره قلبي فيها ينخدع
حقيقى علمتنى
إن الحياه فيها كتير من الخِدع
حقيقى أسعدتني
بالرغم من انك خدعتني
حقيقي شغلتني
ولحضن قلبك شوقتني
حقيقي جذبتنى
لكن ... معر فتش تحبني
............
قلبي طير طاير ويا الهوىَ
وحيد وانسيه عرايس هوىَ
عايش أحلامه ويا الخيال
شريد بيسبح في بحر الهوىَ
مع وحدته طاير
يقول مواله جوه الهوى
............
ليه بس شغلت بالى
كان مالك بس ومالي
حبيبي يللى كنت غالى
يللى في يوم هويتك
حبيبي يا أبو شط عالي
أيه جنيت من طريقك
.......
لاموني على حبك لاموني
خوفوني من غدرك حذروني
عارف مين اللي منك خوفوني
نبض قلبي وعيوني وكل ظنوني
..............
عشت معاك مش دارى بنفسي
إما ألومك أو أرجع تانى ليأسى
عشت معاك حلم في ليل
وحقيقي كان حلم جميل
.........
كنا أتنين في الهوى طايرين
كنا قلبين للحب عطشانين
غنيت أنا وأنت ع الحب كتير
دخلنا بساتين قطفنا ورد الليل
...........
وفجأة أنا وأنت صحينا
على صوت مالك الحزين
رحل الليل الجميل
وحتى الليل أصبح ليل
والقلب أصبح عليل
والليل أصبح كئيب
............
كنت فاكر انك ملاك
لقيتك أصل الهلاك
كنت فاكر قلبك جنه
لقيته طريق سراب
..........
كنت فاكر حبك نعمه
جاد علىّ بيها الزمان
اتاريك حافظ شوية كلام
وقلبك خالي من الغرام
اتاريك وهم وطريق سراب
اتاريك حلم وأمل كذاب
...........
اعترف لك انك حقيقي علمتني
أرجو منك انك تبعد عن سكتي
بلاش تقول بتحبنى يللى حبك ذلني
بلاش تقول بتعزنى وبأيديك تهدني
..............
اسمح لي أقولك ... كلمة وداع
اسمح لي أقولك من غير خداع
انسي اللي فات ..... كل اللي فات
خلاص نسيتك معدش فيه ذكريات
..............
قلم الصابر
ليست هناك تعليقات:
إرسال تعليق