المصريين اهمه
=======
المصريين أهمه
أحباب بمعنى ألكلمه
المصريين أهمه
تعرفهم وقت ألشده
طول عمرهم قريبين
اولاد بلد متربيين
مفيش خلاف بينهم فى دين
مع بعضهم حنينين
.............
ابعد عننا يابو فكر لئيم
يللى أنت ناسي أحنا مين
مهما تلبس عباية الدين
أو تعمل فيها مَلاك آمين
خلاص فهمنا أنت مين
خلاص فهمنا جاى منين
أنت خاين أنت عميل
مصر ياخاين مش للبيع
.................
مستحيل تخدعنا تانى مستحيل
مستحيل يا حرامي يا عميل
كُلنا ليك متربصين
ولأفكارك كُلنا رافضين
مهما تعمل راجل حكيم
ومهما تقول كلام جميل
مش هنقولك متشكرين
خلاص فهمنا قصدك أيه
.............
ابعد عننا يا لئيم
يا زارع الحقد في بلد الخير
كفايه بقه شفنا كتير
كفايه بقه عايزين نعيش
مصر بلدنا غير الغير
مصر بلدنا أرض الخير
أحنا بلد الطيبين
مصر بلدنا هبة النيل
..........
مصر مناره وفكر سليم
مصر حضارة الآلاف السنين
مهما حاول أعداء الخير
راح يفشلوا ويرجعوا خايبين
مصر حارسها رب العالمين
ودعوات الأنبياء حصن منيع
عاشت مصر .. قولوا آمين
تحيا مصر .... بشعبها الأصيل
...........
قلم الصابر
ليست هناك تعليقات:
إرسال تعليق