حلوه يا دنيا
=====
حلوه يا دنيا ...... بكل ما فيكى
حلوه لما ....... نكون فى سلام
حلوه يا دنيا ...... وبفرح بيكى
لما نعيش ......... وجوانا آمان
حلوه يا دنيا ...... بكل ما فيكى
لما يسكن ......... فى قلوبنا الله
حلو الحب .......... حلو حقيقى
حلو لكن .......... برضه حراق
حلو الحب ........... ويا حبيبى
والقلب دايماً ........ ليه مشتاق
حلو الحب .......... حلو حقيقى
واجمل حب ............ حب الله
حلوه الكلمه ...... بلسان حبيبى
حلوه ....... لما يقول لى بهواك
حلو الهمس ......... ويا حبيبى
بسمع صوته ........ كأنه ملاك
حلوه الكلمه ...... بلسان حبيبى
لما يصلى ......... وأصلى معاه
حلوه الغنوه ......... وبتشجينى
لما أسمعها ...... وحبيبى معاى
حلوه الغنوه .......... وبتخلينى
أغنى وحبيبى ..... يغنى معاى
حلوه الغنوه ......... وبتشجينى
لما تكون .............. ترانيم لله
حلوه الدمعه ..... بتطفى لهيبى
لما أكون .... مظلوم من الناس
حلوه الدمعه .. بتشفى جروحى
لما انجرح ..... من اعز الناس
حلوه الدمعه ..... بتطفى لهيبى
ساعة ما أبكى .... بدموعى لله
=======
قلم الصابر
ليست هناك تعليقات:
إرسال تعليق