الحب فى الاحلام
=========
عليل ونايم على الفراش ... بيأن من مرضه
جاله طبيب ما لقاش فيه عله ... فزاد مرضه
طبيب الهوى شافه .. بسرعه عرف مرضه
اتارى علته من العشق . اللى ابتلى بيه قلبه
بيعشق غزال زين . تحتار العيون فى وصفه
فكره انشغل بيه .... وسهم الهوى جرح قلبه
......
حبيبه فوق فى العالى ... صعب يوصل ليه
ساكن فى قصر الوالى ... والحراس حواليه
قال العليل للطبيب داوينى أو قولى اعمل ايه؟
لا نا قادر انسى حبيبى .. ولا قادر أوصل ليه
فى منامى دايماً بشوفه سحرنى برمش عنيه
اصبح رفيق أحلامى وفى الحقيقه مش لاقيه
.................
أرجوك ياطبيب الهوى .. شوف دوى حالى
حكم الهوى مش بأيدى .. واحتار دليلى فيه
مشتاق اشوف حبيبى حياتى فى نظرة عنيه
جافانى حتى فى احلامى والصبر مش لاقيه
وانا فى عز سهدى ....... دايماً أنادى عليه
وقلبى لاخر خاصمنى .... وعلتى ساكنه فيه
.... .... ....
قال الطبيب للعليل ..... مرضك أساسه خيال
انسى اللى كان يا عليل . ومن أوهامك فوق
الحب حقيقه يا عليل ... والقلب بيتأنس بيه
يوم ما تعشق يا شاطر.... بلاش تبص لفوق
الحب مش خيال .......... ولا لعبه نلعب بيه
اللى يبص لفوق ......... لو وقع مش هيقوم
...............
ازاى تقول حبيبى ..... وهو بعيد عن عنيك
لا شفته ولا كلمته ...... ولا تعرف هو مين
من غير عله يا عليل .. جبت المرض بأديك
كفايه بقه اوهام وقوم .. أمسح دموع العين
الحب أصله الموده ...... الحب هو الحنان
الحب عمره ما جرح ...... ولا كان حرمان
الحب حياه ولُقا ........... الحب مش كلام
الحب كله فرح ........ عمره ما كان احزان
الحب ستر وغطا ........ الحب مش اوهام
حب الطيش مهلكه ........ وياما بهدل ناس
................
وافر تحياتى واحترامى
كلمات / الصابر
ليست هناك تعليقات:
إرسال تعليق