اسأل روحك
=======
أسأل روحك اسأل قلبك
وأياك فى يوم تيجى تسألنى
قلبى ياما صبر على قلبك
أقول مسيرك هتحس بحبى
.....
واقول لقلبى يصبر عليك
اقول مسيرك يوم ترجعلى
لقيت الطناش عنوان ليك
طلبت من ربى عليك يصبرنى
.....
أسأل روحك أسأل قلبك
مين اللى هجر واللى خدع
انا لا بعتك ولا يوم خدعتك
ولا قلبى أصلاً يعرف يخدع
لكن .........
خوفى من العزول فى حبك
خلى عمر الحب يطول واصبر
ويزيد شوق قلبى لحضن قلبك
واستنى معاك مظلوم واسكت
.............
أسأل روحك أسأل قلبك
انا أبقى ايه عندك يا حبيبى
انا كلى مشتاق إلى كلك
كلى بيقول فينك يا حبيبى
........
عنيه تايهه بتدور عليك
صورتك هى اللى فى الننى
راحت لقلبى تسأل عليك
قالت له حبيبى ليه هجرنى
.....
قلبى دايماً يسألنى عليك
يقوللى حبيبى فين موجود
اقول لقلبى يصبر عليك
يقوللى قلبى للصبر حدود
.............
اسأل روحك واسأل قلبك
قبل ما نكتب كلمة فراق
ان كنت شارى قلبى قلبك
وهتحس لوحدك بالاشواق
.......
تعالا من غير ما نسال نفسنا
تعالا يا روحى نسأل بعضنا
تعالا من غير عتاب
تعالا ننسى اللى فات
...........
يلا نقتل الفراق
هوايا مشتاق يحضن هواك
يلا نحكى للعشاق
حب القمر حب الليل للنهار
...........
بلاش نكتب كلمة فراق
بلاش نكذب على الاشواق
بلاش نقول الحب خيال
بلاش القسوه بكلمة فراق
====
كلمات / قلم الصابر
ليست هناك تعليقات:
إرسال تعليق