رباعيات (1 )
====
يللى خايف على الاُنثى ... من عيون الرجال
وملفلفها بالقماش .... من الراس الى المداس
قبل خوفك من الرجال .... خاف عليها من اُنثى
الحره فى النساء ممكن تقع .... عن طريق اُنثى
.................
عجبى على غزاله ........ ماشيه بتتعايق
لابسه توب غير توبها ...... بيه بتتعايق
ماشيه ومش داريه .... ان العيون بتراقب
والمُراقب يقع ....... بأيد اللى كان صاحب
............
عجبى على غزاله ....... حباها الله بجمالها
وزاد عليها نعمته ......... وبالعقل حصنها
ماشيه فى الصحرا بدلال .. بتحسب خطاويها
عامله حساب للزمن ... واحتاروا العدا فيها
..........
يا بنت يللى ..... وصفوا الجمال بيكى
الخفه والدلال .... دول مصنوعين ليكى
دارى جمالك .... خافى من طمع الرجال فيكى
عيون الرجال سهام ان صابت ....... هتأذيكى
..................
الحشمه حلوه .......... والادب صنعه وذوق
جمال الانثى نعمه ... والحشمه ترفعها لفوق
الخفيفه فى النسا لعنه .... وقريبه من العيوب
وخفيف الرجال عيل .... ولا يعرف معنى الذوق
.................
قلم الصابر
ليست هناك تعليقات:
إرسال تعليق