العبيط والنت
=======
عبيط وحزموه ......... قالولوا اديها هزه
رقص ولاسهير ....... وزاد عن كل مزه
واخد فى نفسه قلم ....... فاكر نفسه متعلم
عامل نفسه بورم ....... وهو محتاج يتعلم
.........
رقص كتير بالقلم .... قال الكلمه بالمعنى
رقص الكلمه .... حتى الحرف معاه غنا
رقص ويا الحب .. قال راح احب واتهنا
ركب زوارق العشاق .. عاش يومين جنه
.......
رقص ويا الهوا ...... طار لفوق ولايدرى
ان الهوا غدار ..... واللى ينصاب مايشفى
رقص وياالدموع ... لطم الخدود ولايدرى
ان الدموع للحريم ... عمر الرجال ماتبكى
.......
ياجاهل الحب تعالى ........ أفهم دروس الهوا
الحب فى القلب ........ وكلام اللسان مش هوا
يافاكر نفسك دنجوان وفارس .. طار وياالهوا
على مهلك ياشاطر .. ركب الهوى لابن الهوا
......
فيه ناس لو حبيتهم .......... دايماّ تشوف نعمه
وفيه ناس لو حبيتهم ........... تنزل عليك نقمه
الحب مفهوش طيش ... الحب هو اجمل غنوه
الحب كله امان .... عمره ماعاش فى الضلمه
........
الحب نعمه كبيره ........... تزيد من حبنا لله
الحب مش خطيه ............ يغضب منها الله
الحب جنه ......... عمره ماكان فى يوم حرام
الحب الحقيقى ......... قلب عمران بخوف الله
قلب مايعرفش يخون ...... حتى لو يوم اتخان
ويظل وفى لحبيبه ....... مهما كان حبيبه خان
..........
فرق ياصاحبى مابين حب النور وحب الظلام
اللى يمشى فى النور يسلم والمهلك دايما ظلام
قلب الحر مايهلك....... مهما خانوه الاصحاب
باب الحر مفتوح ..... لكل غريب او منصاب
..........
مهما اسائوا للبرىء .......... ربك دايماّ ينجيه
واللى معاه الله ......... مين ده اللى يقدر عليه
؟؟؟
.......
يللى بتخبط على باب الحب .... عايز تدخل فيه
الحب بحر غريق .... ياما قبلك ناس غرقت فيه
الحب مرض ....... ولا فيه طبيب يعرف يداويه
الحب دوا ...... للى انظلم من الناس وقالوا عليه
واللى يزرع الشوك ........ مسيره هيدوس عليه
وزارع المحبه تلاقى ....... كل الناس تشكر فيه
......
..............
فوق ياعبيط ...... وشوف طريقك رايح لفين ؟
بعد الرقص والزفه ...... ياترى هيحصل ايه ؟
كفايه رقص يا أهبل ...... شوف انت عند مين
ويوم ماترقص ياشاطر ..... أرقص بعقل سليم
.........
كفايه عليك ...... خمس شهور شفتهم ولاالجنه
يلا بقه فك الحزام ...... كفايه م الرقص والمغنا
قول يانت باى يانت .... تعبت من نزبف الكلمه
من عشقك فيها .... اصبحت بتقول الكلمه جمله
........
اصبحت مجنون يوم ما شفت حروفك تانى بتتولد
اصبحت اسير للاستاذ نت وبدء لسانك فيه ينطلق
اصبحت بتشوف شىء .. من الكلام اللى اتحرق
تذكرت صراخ الحروف .. وهى فى النار تتحرق
يوم مابكيت بالدموع .... ع الرماد اللى كان جمل
دلوقت انت شايف الكلام ... شايفه من غير ورق
لكن خوفى عليك م اللسان ... بيقول كفايه وانتظر
لأنك راجل عبيط ... وعايش بوهم من غير حذر
.......
انت عبيط ناقصك علام ولسانك لن يعبر الجنه
لسانك مخالف لسان طويل مبيخفش من الكلمه
دارى على نعمتك ياموهوب دارى على الكلمه
دارى على بلوتك ياحزين اسكت متقلش كلمه
........
دايماّ بتتهور فى الكلام .......... مع أى انسان
دايماّ بتتعور من شرور .......... طولة اللسان
اشكر الله ............... انه سبحانه دايما معاك
محافظ عليك هو .............. من شر ما بلاك
.........
كفايه وقول سلام لكل المنتديات ألا اميرتك وعد
تردد عليها لتصلح اخطاء ماكتبت بصندوق وعد
..........
وعد اللى صارت فى دمك داراّ مبنى من الحروف
وعد اللى هى بدايتك بدايه مليانه ورود فى حقول
.........
دمتم جميعاّ فى حفظ الله . وجميعكم فى قلبى احباب
اشكر كل منتدى طردنى أورحب بى وفتح الابواب
مده دامت حوالى خمس شهور نزفت فيهم الكلمه
اللى هتستمر حكايه جميله وفى القلب احلا غنوه
========
فى حفظ الله دائماّ
لوعد وادارة وعد
واشراف واعضاء وعد
وكل من يحب وعد
=========
كلمات قلم الصابر
