بتلومونى ليه
======
بتلومونى ليه ؟
ليه بتتهامسوا علىّ ؟
خدوا عنيه وشوفوه
بعدها احكموا علىّ
د حبيبى غزال جميل
محلاه فى خطوته
جميل فى كل شىء
فى همسه وكلمته
من يوم ماشغلنى بيه
اصبح هو غنوتى
ليلى نهارى بفكر فيه
هو حبيبى ودنيتى
ياعاشقين دلونى
قولولى اعمل ايه ؟
حبيبى مش داريبى
ولا حاسس بحبى ليه
لانا عارف فين طريقه
ولا عارف اسمه ايه
صورته جوايا مرسومه
ولاقادر اهرب من عنيه
من يوم ماشفت عيونه
سحرنى برمش عنيه
خلاتى عايش اسيره
والقلب مشغول بيه
................
بعيونه شاورلى
بهمسه نادانى
بحبه لاوعنى
وسابنى اعانى
قاللى كلمتين
شغلنى بنظرة عين
بلاش يالايمين تلومونى
وقولولى اعمل ايه
.................
فين طريقك فين
ويروحوله منين
؟
ياغريب اصبحت حبيب
ياطريق نهايتك ايه
مش حرام عليك
تشغلنى بيك ؟
وتسيبنى عايش
ادور عليك
وتسيبنى انجرح من الايمين
يلوموا علىّ وتبكى العين
حبيبى انت مين ؟
حبيبى انت فين ؟
=====
كلمات قلم الصابر
ليست هناك تعليقات:
إرسال تعليق