حب ايه
====
حب ايه اللى جاى تقول عليه
وتقول كلام
من غير ما تعرف معنى ليه
الحب عندك
هو كلمه من الكلام
الحب عندك
كلمه خاليه من الحنان
الحب عندك
هو حب الامتلاك
فاكر انك
ممكن تشتريه بالمال
أمتى تفهم بقه
ان المحبه لقا
وهيه اصل الحياه
امتى تعرف بقه
ان المحبه رضا
والرضا مش كلام
امتى تفهم
ان المحبه قبول
امتى تفهم
انها مش غرور
مهما كان المال ياصاحبى
الحب اغلى
والجمال من غير حنان
يبقى لعنه
.......
الحب انك
تبقى لحبيبك زى الاسير
الحب انك
تشترى ولايوم تبيع
الحب عندى
هو قلبى والقلب سر الحياه
الحب عندى
تبقى جنبى لما اقول الاه
اسمعنى يللى أسمك حبيبى
الحب عندى مش كلام
اسمعنى يللى حبك شغلنى
خلانى عايش مع اوهام
الحب زى القدر
الحب فارس راكب حصان
الحب هو الامل
نترمى جواه لو جابه الزمان
لايعرف خوف ولاندم
ولايفهم فى الجراح
والجراح لو جات من القدر
الحب بلسم للجراح
ياريت ياصاحبى
تقوللى الحب عندك يبقى ايه
ياريت ياصاحبى
تفهمنى طبعك وانا امشى عليه
انا لو فعلاّ حبيبك
كنت تسأل فين حبيبك
وانت لو كنت حبيبى
كنت اعرف فين طريقك
حب ايه اللى جاى تقول عليه
............
مع تحياتى
الصابر
ليست هناك تعليقات:
إرسال تعليق