ودارت الايام
=====
ودارت الايام ومرت الايام
جانا زمان .. غير الزمان
.
الضمائر اتغيرت
والنفاق هو سيد الكلام
.
اخوك ابن امك وأبوك
ممكن يسألك انت ابن مين
ويوم ماتفكره انه اخوك
يسألك انت عايز منى ايه
..
..
..
بسأل سؤال ياكل البشر
بحالتنا دى هنوصل لايه
كل واحد بيقول نفسى
كل واحد عامل فيها بيه
..
.
..
فى كل مكان نلاقى على بابا
عايز يكمل الاربعين
.
عايز يملا مغارته
بكل شىء غالى وثمين
..
..
..
فعلاّّ أصبحنا فى غابه
القوى بياكل فيها الضعيف
.
الاسد نايم فى العرين
وزوجاته هى اللى طالعه تصيد
.
وبسلامته ياكل على الجاهز
لانه اسد وسبع والغدنفر الكبير
..
لا ليه شغلانه ولا مشغله
غير انه ياكل وبعدين الى النوم
..
..
..
طغيان العالم اصبح جنون
اصبحنا نفتش فى الكون
ارض الله ضاقت فى وجهنا
وقال ايه عايزين نحتل النجوم
.
علوم اولها كان الجنون
واخرها طبعاّ هيكون دمار محتوم
..
..
..
..
انسان طماع ولا يملا عنيه الا التراب
انسان كداب والغرور هو اساس الداء
انسان دائما يقول انا وهو ناسى هو مين
القلوب اصبحت مظلمه من صوت الانين
عليل يأن من بلوته والناس بتتفرج عليه
مظلوم تصرخ كلمته وشهود شهدوا عليه
يارب ارسل نور من السما
يارب نور قلوبنا المظلمه
======
تحياتى وأحترامى وتقديرى لجميعكم
الصابر
ليست هناك تعليقات:
إرسال تعليق