يا مصاحب القلم
====
يا مصاحب القلم
خلى ليك عنوان
القلم غدار يا صاحبى
ده ملهش امان
ان كتبت بيه
خد بالك بيكتب ايه
وساعة الايحاء
اكتب وكون حساس
بلاش تخوض
فى عرض الناس لو تعلم
وأكتب يا صاحبى
عن اللى يفيد الناس
=====
يا مصاحب القلم
دة طريق توهان
فى الصحرا
يزرع بستان امل
والبستان يخليه
احجار ورمال
نظرته
مش دايماً حقيقه
كلامه
تلميحات والغاز
اللى يفهم يرتاح
وقليل الفهم يحتاس
====
يا مصاحب القلم
انت مسئول عن أخطائه
يكتب قلمك
وأنت تقع فى شر اعماله
ولو قلت
هوه اللى كتب وان برىء منه
يقولولك
ده قلم لا فيه عقل ولا ليه أحساس
وبسببه هتبقى
انت مُدان فى نظر الناس
====
الصابر
ليست هناك تعليقات:
إرسال تعليق