جات تاخد رسايلها
................
جات تاخد رسايلها عايزه تمحى الذكريات
جات وألغدر فى عنيها تقول انسى اللى فات
من غير ماأعرف ايه السبب الحب ضاع
من غير مايحصل غلط قالت فات الميعاد
وانا اللى كنت مستنى عايش ازرع امال
وارسم طريق حبنا اللى كان جنه وحنان
.......
جات تقوللى خايفه م الزمان حبك خالى م الامان
جات تقول العمر ساعات انت راح عليك الزمان
جات تقول ابعد خلاص ملكش فى قلبى مكان
جات بعيون جريئه ولا همها احساس الناس
جات وفى ايدها رساله هيه اّخر كلام
بتقوللى انت غلطه فقت منها خلاص
بتقوللى انت وهم عشت معاه احلام
قالتللى انت حكايه من حكاوى زمان
..............
جايه وفى ايدها رساله قالت دى ورقة فراق
جايه تشمت فى قلبى اللى شافها زى الملاك
احلامى معاها كانت عندى بر الامان
احلامها هى طلعت وهم طريق كداب
قلتلها حبنا غالى صعب اننا ننساه
قلتلها فين الامانى فين الامنيات
قالت نسيت اللى كان معدش فيه ذكريات
قالت عيش حياتك وكفايه عليك اللى فات
.........
أخدت منى رسايلها تركت ورقة فراق
وحتى رسايلى قالت انها حرقتها بالنار
سابتنى وحدى اناجى الهوى واقول موال
أخدت منى رسايلها اللى فيها الحب مات
مشيت من غير ماتقول حتى سلام
مشيت وسابتنى وحدى للذكريات
رجعت تانى لكهفى رجعت للخيال
رجعت تانى لوهمى رجعت للموال
.........
عم يللى عايز تحب شوف حب من توبك
أوابعد عن الحب ياعمى وقول عليه توبه
الحب بيهين يا صاحبى وبيظهر عيوبك
عيش الباقى من عمرك قول للهوى توبه
خلى الحب فى قلبك أمانى بدل ما يهينك
ارجع لخيال الهوى وغنى من غير توبه
......
سعيد يللى هتعيش الحب فى الخيال
تعبان ومهموم يللى حبك طلع خوان
عمر الخيال ماجرح قلوب ولا فيه حرمان
وقليل من الحب ماصدق والكتير فيه كداب
00000000
مع تحياتى
كلمات قلم / الصابر
ليست هناك تعليقات:
إرسال تعليق