سلام للجميع
كلمات خواطر والسلام
===
الذكرى كلمات
تضاء أحياناً لو صاحبها مات
العاقل فى هذا الزمان
ممكن يقولوا عليه خرفان
يعيش مع الناس ويسمع مهانه
او يبتعد عن الناس
وبعد الممات توبه الوسخ
ممكن يبقى أثار
ويقولوا ده توب جدنا
ويحكوا عنه روايات
ويشعروا فيه اشعار
الذكرى كلمه والكلمه ذكرى
بالكلمه نحب بالكلمه نكره
نلاقيها بسمه معاها نضحك
نلاقيها كلمه قوام نحفظها
نلاقيها غنوه نغنى عليها
ومهما كانت او تكون
هيه ذكرى
خدناها صاحب
لينا فى يوم
طرنا معاها وسط النجوم
عشنا فيها يوم ورى ويوم
وعشنا مهما عشنا
رجعنا تانى وقلنا ذكرىَ
وبقت فى حياتنا ذكره
=====
فيه صاحب يحبب فيك كل الناس
وصاحب لازم تكون معاه حساس
فيه صاحب معاه تكره نفسك
وصاحب تكره بيه كل الناس
طبع ألانسان أنانى دايماً الذات طاغيه عليه
فيه ألآنا جواه أتبنى وحب الطمع مالي عنيه
ألانسان عجينه طريه خليط مليان أحاسيس
ممزوجه كده فى بعضها نفيس معاه خبيث
عناصر ألارض كلها فينا معجونه عجين
فينا من عنصرألدهب وفينا جالوس الطين
؟؟ ؟؟
=======
دنيا غريبه حتى فى الاسماء
الواحد واسمه ضدين
ويقولوا اسم الانسان دايماً يردى عليه
؟؟؟؟؟
مش باين من الارض واسمه نخله
يبقى اسمه هيردى عليه ايه ؟
عم فاتوس راجل ضرير
يبقى النور له ولا عليه ؟
عم حليم ماسك ساطور
والجدع يهوب نواحيه
الواد منصور عايش مظلوم
ولاعمره اخد حقه فى يوم
عم شاكر عمره ماحمده
عايز الدنيا ليه وحديه
وعم عارف بيسأل جاره ؟؟
هوه يا ترى النهارده ايه ؟؟
=====
تحياتى لكم
الصابر
ليست هناك تعليقات:
إرسال تعليق