000 آه والف آه على صدام 000

آه والف آآآآآه

=====

آه والف آه جانا الخوف فقدنا الآمان

الكل عايش حزين حتى طيور السماء

النار فى كل مكان دخانها طالع للسماء

نروح فين ولمين وايه السبب فى النار

بكت السماء نزلت سيول ولا قدرت تطفى النار

السما لابسه طرحه سوده والدموع قطران

==

الام ثكلى بتبكى على ضناها اللى مات

بتبكى على راجلها اللى مات قبل الميعاد

وبنتها حبيسة الدار خايفه من عيون الجبان

اللى حرق الارض وعلى العرض داس

الزرع اتحرق مات الشباب والصغار ايتام

والكلب واقف يصطاد السبوع اصله غدار

نادى الغراب على الطيور

اهربوا ما عاد فيها امان

طار الحمام من برجه والعه فيه النار

لاعاد فيه بلابل ولا زهور ولا بستان

==

سألت صاحب بيفهم فى السياسه والاخبار

قلت له قوللى يا صاحبى عمل ايه صدام؟

ايه كان السبب فى اللى حصل واللى كان؟

مين كان السبب فى اللى حصل واللى صار؟

رد علىّ وقال :

ده جبان كان بيحكم بالحديد والنار

مش يبقى عيب يضرب اسرائيل بالنار؟

فاضل انه يتهور ويدخل عليهم الدار

ده كان تحت ايده كل اسلحة الدمار

متشغلش بالك راح مطرح ما راح

واحنا مالنا باللى جاى واللى راح

رديت عليه وانا محتار

رديت والقلب والع نار

قلت له :

تعرف ايه يا صاحبى عن الزعيم صدام؟

عمل ايه غلط ارجوك قوللى قوام؟

رد صاحبى وقال

عايز يوحد العرب بقه ده اسمه كلام؟

العرب يبقوا امه واحده يأخى هيهات

يستاهل اللى حصل واللى صار عبره

لأى واحد يحاول انه يكون صدام

قلت له اسمع يا هذا :

اشك انك تكون عربى انت خاين وخوان

اسرائيل مسمار جحا منها يأتى كل بلاء

لا ليهم امان ولاعهد يا عديم الاحساس

ومن الان مفيش بينى وبينك أى كلام

ولا حتى سلام

==

وفضلت ماشى اسأل عن الاسباب

بصيت للبحر شفت فيه سفن ياما

وسفينه بتنادى احنا حقوق الانسان

سألت مين دول وليه جايين للعراق

رد علىّ اخو صاحبى وقال :

دول مشكروين جايين يداووا كل مصاب

وجايبن معاهم دقيق ولحوم واسماك

قلت له :

كلامك غلط يا صاحبى انت مش دريان

دول زى البوم عايزين كل الاماكن خراب

يا ترى مين اللى ضرب ومين اللى انصاب

هلوا الغجر على العراق من بلاد الواق واق

عملوا العراق حقل تجارب لكل السلاح

استخدموا سلاح الخيانه فى دخول الدار

خيرنا كتير ولاعايزين طحين ولا اسماك

غور طلعت العن من اخوك روح منك لله

==

وفضلت ماشى وجوايه نفس السؤال

ليه اللى حصل واشمعنى كان صدام

رد علىّ ابن عم اللى كانوا أصحابى

وقال :

سيبك من حكيك الامور عال العال

شكرت ربى وقلت لقيت واحد فهمان

نورنى يا صاحبى العقل منى تاه

نفسى افهم نفسى فى يوم أرتاح

قال لى :

انت مو فهمان

قلت له :

والله انا جهلان ولاعاد فيه دماغ

رد علىّ آخر أصحابى وقال :

لو كان مات صدام هيطلع 100 صدام

شكرت ربى وقلت لقيت واحد فهمان

وقلت له قوام :

يعنى انت زعلان على اللى حصل مع صدام

رد علىّ وقال :

ليش ازعل على صدام اوعلى غير صدام

خليك فى حالك يا زلمه دى سياسة أوطان

لتروح ورى الشمس وتبقى بلا عنوان

وخلف القضبان تشوف العذاب الوان

احنا ما علينا الا الطاعه والولاء

امريكا دى امنا واحنا ليها اولاد

قلت له :

طلعت العن من أولاد عمك يا جبان

انتوا السبب فى اللى حصل والى كان

العيب فى اللى أتأمروا مع الشيطان

باعوا البلد ببلاش طمعاً فى اخد المال

ومالهم بأيديهم سرقوه وادوه لابن الجبان

اتأمروا ويا الديب ذبحوا له عجول واغنام

وقالوله اهلا بيك سيدنا انت رب الدار

وقالوا هنبقى اسياد وهنحكم احنا للبلاد

وقلت لاخر الاصحاب :

انت عربى ولاغربى يا عميل الامريكان

انت واطى يا صاحبى خساره فيك الكلام

رد علىّ وقال:

امريكا دى امنا هيه بر الامان

بتسأل على المظلوم والمحتاج

قلت له

غور من وجهى ملكش معايا كلام

كل اللى اقول عليه موسى

يطلع ياربى شيطان

===

وفضلت اسأل نفس السؤال

واحتار دليلى من غير بيان

رد علىّ القلم وقال ::

عايز تعرف سبب اللى حصل واللى كان

قلت : ياريت يا قلمى احكى وقول موال

قال القلم ::

بترول بترول السبب كان بترول

اثار اثار زيبق جوه تابوت

الخاين نادى على العجول السمان

هلوا اللصوص من كل مكان

وارض العرب اصبحت جرب

ودار العرب كله اتخرب

ويوم ما هيريد رب العباد

ويتغيرالحال هقول كلام غير الكلام

======

تحياتى لكم

كلمات قلم الصابر