قولولوا
====
قولولوا
بلاش تخبوا عنه الحقيقه
قولولوا
وفهموه قولولوا الحقيقه
قولولولوا انه واحشنى
وكسوفى منه حايشنى
اروحله لحد بيته
واقوله الحقيقه
.......
قولولوا .. انا قلبى حبه
قولولوا ... حيرنى حبه
قولولوا .. مشتاق اشوفه
قولولوا ... ينسى كسوفه
ييجى يشاورلى بيده
وانا اروحله واقوله الحقيقه
......
قولولوا د حرام عليه
بيعمل معايا كده ليه
بستناه دقيقه بدقيقه
وقليى عاملى حريقه
من يوم ماولع ناره
مش قادر اطفى الحريقه
......
تعبت انا والله معاه
اخرتها ايه وياه
علمنى اقول الاّه
خلانى اسير لهواه
نفسى اشوفه واه
نفسى يعرف كل الحقيقه
.....
طال شوقى وصبرى عليه
مش بأيدى وانا هعمل ايه
عايز اعرف احساسه ايه
حيرنى ... وشغلنى عليه
وبحيرتى بنادى عليه
امتى ييجى وانا اقوله الحقيقه
......
ياحب امانه عليك
روح قله د حرام عليك
ياحبيبى حرام عليك
من امتى وانا مستنيك
نفسه أشوف نظرة عنيك
ومنها راح أعرف كل الحقيقه
======
كلمات الصابر
ليست هناك تعليقات:
إرسال تعليق