ياقلبى خبى
ياقلبى خبى كل اهاتك
ليشمت فيك العزول
ياعيونى دارى دموعك
وبايه تفيد الدموع
وطالما همه باعونى
ليه انا اللى ابقى شارى
اديتهم قلبى وروحى
أدونى سهدى ويا عذابى
اتاريهم ملهمش قلب
يعرف ايه معنى الحب
حبهم كان فيه الغدر
قلبهم حجر د مش قلب
بلاش ياعيونى تبكى عليهم
خساره فيهم والله الدموع
اوعى ياقلبى تحن ليهم
لو رجعوا تانى لك فى يوم
جونا زمان
دقوا على الباب عاملين احباب
فتحنا الباب
وقلنا لهم سلامات اهلا يااحباب
اشتريناهم باغلى ثمن
شلناهم جوه العين
باعونى بارخص ثمن
وعرفناهم غدارين
اوعى ياقلبى تقول حبايبى
د الحب منهم برىء
كفايه ياقلبى سيبك وخبى
وانسى كل الطريق
اه من ظلام قلبهم
اه من اللى شفته من غدرهم
اه من عذابى منهم
ايام ماكان قلبى لسه بيحبهم
سيبنى ياقلبى اداوى جرحى
واعتبرهم من غير وجود
سيبنى ياقلبى اعيش لوحدى
أعيش بوهمى فى الوجود
يمكن الاقى فى يوم طريق
يمكن الاقى فى يوم صديق
طريق اشوف فيه الامان
صديق الاقى معاه الحنان
ياقلبى أضحك والعب وغنى
جايز فى يوم تروق وتحلا
وانا وانت نقول يا ربى
دبرها انت وخليها احلا
======
مع تحياتى
الصابر
كلماتك دائما اخي الصابر تحمل الكثير من المعاني الجميلة
ردحذفوالنصائح الغالية التى اتمنى من الله ان نفهما جيدا ونعمل بها
شكرا لك على تلك الكلمات الجميله واتمنى ان ارى أسمك ومدونتك لامعين فى سماء مدونات جوجل
أخوك / السيد صلاح
السلام عليكم ورحمة الله وبركاته
ردحذف===========
الفاضل والعزيز السيد صلاح
اسف على تأخير الرد لانى مكنتش غارف ازاى ارسل
اشكرك جدا على تشريف حضرتك الذى تشرفت به
دمت فى حفظ الله