مين عارف
======
مين عارف
مكتوب له ايه معاكى يادنيا
مين عارف
بكره هيكون ايه قوليلى يا دنيا
دايماّ نمشى شمال ويمين
دايما نمشى على الشطين
أما نسلم او نستسلم
وأما نناطح موج وصخور
ولمين نشكى او نتكلم
لما بيشمت فينا العزول
مين اللى قضى العمر
كله فى فرح وسرور
مين اللى عاش حياته
من غير ماتبكى العيون
دنيا فيها من كل لون
حتى الورد فيه الشوك
دنيا فيها من كل ذوق
فيها البارد فيها المحروق
دنيا فيها الغرور
نقول الأنا وأحنا التراب
دنيا فيها الطمع
وفيها الغنى عايز كمان
دنيا فيها الامل
والفقير تلقاه يحلم بمال
فقير بيحسد غنى
عليل بيطلب شفاه
والكل فيها بيشتكى
الكل بيقول الاه
دايماّ نقول عايزين
ومش عارفين ايه بكره
دنيا مليانه بألامل
وجواها الخوف من بكره
اللى الدنيا جايه معاه
عايش ومش فاكر بكره
اللى الدنيا جايه عليه
عايش وخايف من بكره
قوليلى يادنيا عمرى كام
باقى منه سنين ولا ايام
ياترى هقدر فى يوم احس بالامان
ولاهفضل عمرى اقاسى مع الايام
ياريت يادنيا كان ليكى لسان
ياريت تقدرى تكلمى الانسان
دنيا عجيبه
تدى وتدى ولما بتاخدى مابتديش
دنيا غروره
نجرى ونجرى واللى يقف مابيمشيش
ومين عارف مكتوب له ايه معاكى يادنيا
=====
كلمات / الصابر
ليست هناك تعليقات:
إرسال تعليق