يعيش ويحيا الحب
=====
بلبل وطاير فى الهوى ....... بده يكون له عش
شاف بلبله وحيده ............ بتغنى وليها عش
صفر لها بلغة الطيور ............ اللى ما بتغش
شافه الغراب زعق له ............. وقال له هش
........
طار البلبل حزين ......... وقلبه هناك فى العش
نام كعادته وحيد ......... لامعاه غطا ولا فرش
مر عليه الليل طويل .......... صحى قبل الفجر
رفرف ونادى على بلبله ..... بكلام زى الهمس
اتاريها فى الانتظار ........... منمتش من أمس
قلبها شبكه الغرام ....... سهرانه لغاية للصبح
قالت يابلبل ......... تعالا ندخل سوى فى العش
البلبل خايف من الغراب .... اصله ما بيرحمش
قلبه زى لونه ............. جاهل فى امور الحب
عايش على اكل الطيور ... الصغيره فى الحجم
.......
بلبله قلبها جامد ولا بتخاف ... حتى من النسر
طارت للبلبل .... ورقصوا سوى رقصة الحب
طارت وهو وراها ... دخلوا الاتنين جوه العش
واتجمعت كل الطيور.. وقالوا للغراب يلا هش
وعاشو سوا حبيبين ........ يغردوا بلحن الحب
الصبح بدرى ........ بلبل يغنى قدام باب العش
وبلبله جنبه تلحن .............. بكل كلام العشق
والطيور معاهم تغنى ....... يعيش ويحيا الحب
...............
مع وافر تحياتى
كلمات / الصابر
ليست هناك تعليقات:
إرسال تعليق