القلم النهارده انثى
زوجه مغلوبه على امرها
=========
حبيبى لعبته ............... يضايقنى وخلاص
ياما قلت له ................... أنت أعز الناس
لاسامع كلمتى ............. ولا مريحنى معاه
غلبت فى شكوتى ............. اعمل ايه وياه
بيقوللى واسمعه ........... ماشيه على هواه
فى القلب مطرحه ............ ساكن هنا جواه
بحبه واعشقه ................ نصيبى كده وياه
ولاهقدر ازعله............... مهما شفت معاه
كده من غير سبب ...... يعمل روحه زعلان
العند مبدئه ............... وقاسى القلب كمان
نفسى يتعدل ............. واشوف الحب معاه
حبيبى يادنيتى ............. كفايه ياأعز الناس
نصيبى وقسمتى ............ أحتار دليلى معاه
نفذت ماطلب ................... زود علىّ الاه
غنيت له بحبنا ........... رقصت بالصاجات
قلبه زى الحجر ....... مش دارى باللى معاه
اضحك فى وجهه دايماّ . عايزه اكسب رضاه
اولادنا بقول لهم .............. بابا زى الملاك
يدخل من بره شايط ......... يخبط فى الابواب
ويزعق فىّ واسكت ........ ويشخط فى الاولاد
اولادنا بيسألوا ................. مال بابا زعلان
اروح له واسأله ............. مايرد علىّ جواب
حبيبى يادنيتى ............... كفايه ياأبو الاولاد
قربت انقهر ................. خلصنى من العذاب
بحبك مهما تعمل ........... مستحيل أنا انساك
حبك فى دمى يجرى .......... دلعنى بقه بهواك
======
مع تحياتى دائماّ
قلم / الصابر
مين يا حج صابر قال ان الزوجة مغلوبة على امرها
ردحذفدا كان زمان انما دلوقتي بقى العكس الأزواج هما اللى مغلوبين على امرهم
والزوجات المبدأ عندهم وكبرهم ولما تكلمهم يجروا على بيت امهم او على قانون عملوه الخنازير علشان يخلونا زيهم
السلام عليكم ورحمة الله وبركاته
ردحذف====================
اشكر حضرتك جدا جدا لتشريفك لمدونة قلمى الهزيل
تشريف حضرتك شرفاَ لى ولماتى
دمت بحفظ الله