راجل شايب وغلبان
=======
عجوز وكهل وقلمه شقى وقال كلمتين
زعلوا منه حبايبه وقالوا ده كلام عيب
ياراجل ياشايب مالك وما الحب ياحزين
خليك مؤدب بقه وأتكلم كلام يكون سليم
========
قال الكهل ياشباب يا حبايبى ويا حلوين
ليه انا لوحدى تطبقوا علىّ مبدأ العيب؟؟
ياما فيه موضوعات فى المنتدى تزيد عن كلمة عيب
ليه المنظار محطوط على كلماتى انا قوللى بس ليه؟
هوه الكهل مش بشر؟ ملهوش قلب ولا ايه ؟
مش من حقه يحب زيكم ؟ ولا راحت عليه؟
== == ==
ياشباب شاب وهو فى العشرين
احنا الاساس وشبابنا لسه متين
احنا اللى أكلنا سمن بلدى وقطفنا وش الخير
الصحه عال العال وأحنا الشباب وبلا عيب
خير الارض كان ياما من غير كيماوى ولا مبيد
السمنه والزبده كانت بلدى طعم وريحه مش فزلين
اللحوم فى عهدكم أصبحت بترول بلاستك عليه شحوم
الجاموسه كان ليها (8) رجول والان اصبحوا جوزين
وجوز الحمام كان (3) فرادى أصبح فردين
والمعزه أكبر الجاموسه ووزنها ييجى طنين
والبيضه اكبر من الفرخه وفيها صفارتين
والمياه كانت نظيفه ومن غير أى جراثيم
== == ==
اما عن الحب ياصديقى وعزيزى كرتون
الحب لايعرف شاب ولاشايب ولا له لون
وأحنا اللى نعرف معنى الحب الاصيل
اسألوا سومه وعبد الحليم وكمان فريد
الحب زمان كان قصه زى ليلى وقيس
الحب كان صادق مكنش وهم ولاتمثيل
زماننا كان فيه الاصول كل شىء مدروس
زمانكم الان الاصول ماشيه بس بالمقلوب
بالحب انا بقول لك بحبك وكمان بموت فيك
ياريت تكون بتحبنى مطلعش فيك مغشوش
=======
تحياتى لكم جميعاّ
كل ودى لعزيزى كرتون
الصابر
ليست هناك تعليقات:
إرسال تعليق