وصفولى الصبر
====
وصفولى الصبر وقالولى هو دواك
قلت ارحمونى بقه تعبت خلاص ياناس
قالولى الصبر فيه الشفا من بلواك
قلت الصبر بهدلنى خلانى بلا احساس
دمع عيونى نشف ياربى رحماك
كتر الاسيه تعبى وليه أعيش محتاس
قالوا يبقى لازم حبيبك اللى جفاك
من غدره كرهت الحياه وكل الناس
قلت امتى اللى حظه مال له احباب
الحظ عادانى وخلانى وحيد بلاناس
###
##
#
جانى صاحبى الوحيد يبكى يقول الاه
قلت له هو انت الاخر بتعرف الاحزان
رد علىّ وقال بقول الاه عليك ياحيران
حيرتنى فى امرى ياشونه من الاحزان
مسكين يا صاحبى فارقت عنيك النوم
صاحبت الحزن ليه ليه تعاشر الاحزان
لا فيه حزن دايم ولا الافراح بتدوم
دنيا ساقيه بتلف بينا وهتفضل تدور
اللى فوق بينزل تحت واللى تحت يطلع فوق
بلاش تحسب لها وسيبها وانسى كل الهموم
يوم بناكل عسل ويوم نشتهى الخرنوب
يوم ننام بالامل ويوم نسهر ويا الخوف
###
##
#
الدنيا دى مدرسه والكل جاهل ومجهول
سليمان صاحب الحكمه تقدر تقوللى فين
مهما فيها بنتعلم علامنا برضه قليل
ونموت ولا نفهم وننام مع الجاهلين
لازم نرضى بالنصيب لازم نؤمن بالمكتوب
لازم نعقل ولازم نتوب قبل ماييجى الغروب
الدنيا من غير امل عمرها ماهتدوم
الدنيا هيه الامل وعارفينها هتزول
======
مع تحياتى وتقديرى واحترامى
الصابر
ليست هناك تعليقات:
إرسال تعليق