غزاله شارده
=====
غزاله شارده ........... قولولى شاره ليه
محتاجه همس الهوى حظها مال كده ليه
باعوها للى أشترى .. الريال غالى وبيه
واللى اشتراها بماله ... عامل عليها بأيه
.........
نار الهوى سباها ...... فارق عنيها النوم
شافت جمالها بيدبل ....... يوم ورى يوم
عطشانه وبتقول .... وردى دبل كده ليه
النوم جافاها ........ بتتقلب على الجنبين
.......
دموعها ليه صارت حيارى
قولولى دواها فين
من نار الهوى تايهه بتسأل
عن نفسها انا فين
..........
يا بنت ......... يللى الجمال غار من قدك
الحسن منك أختشى ...... والقمر غار منك
باعوكى ليه بالمال ..... وليه رخص تمنك
باعوكى برخص التراب ياغاليه . فين تمنك
.........
اللى اشتراكى عليل ..... قوليلى كام تمنك
زمانك صار سجان ...... ما يحررك تمنك
قولى لابوكى يا ظالم ........ ايه كان ظنك
عزاله جمالها بار .............. من ظلمك
........
.......
يا جاهل ....... يللى اشتريت الحب بالمال
رحت سوق الجمال ... بالمال جبت غزال
فاكر ان المال ...للحب ممكن يكون صياد
د الحب يا جاهل صياد .. عمره ما ينصاد
.......
غزالك اللى اشتريته زاد فى الجمال
وانت عمرك الافتراضى انتهى
افرش ونام ع المال
========
الصابر
ليست هناك تعليقات:
إرسال تعليق