ياحلاوة اللسان
========
ياحلاوة اللسان ........... لما يحكى فى صح الكلام
بكلام الاحترام والادب .......... يبدى وينهى الكلام
اللسان اساس الشرور . والكلمه الطيبه راس مال
من كلامنا ممكن نهين غيرنا ... وسهل اننا نتهان
زى ما لسانك يعرف يهين .. ممكن تتهان اضعاف
لسان الغلط تشوفه فاجر ...... والحقيقه انه جبان
لسان كذاب ينكر ماقاله او يقولك سمعت من فلان
يازارع الشرور والمعاصى احترم نفسك يااا فلان
..............
ايه اللى هتاخده ...... لما تسيىء لى وعلىّ تتجبر
لو انت حقيقى علىّ راح تقدر ...... الله عليك اقدر
يابو اللسان فضاح .......... كفايه لم لسانك يانمام
ولو انت واثق من كلامك .......... ايه راح تستفاد
ليه عايز تعرينى وتكشفنى ............. قدام الناس
ياناسى ............ ان ربك هو الرقيب وهو الستار
................
استروا من فى الارض ... يستركم من فى السماء
كلنا خطاه ياناسى .... ان الله يرى وكاشف للخباء
اطلب الستر للناس .... راح يسترك الواحد الستار
بلاش تنصب نفسك عليها الله .... وتدين خلق الله
كلنا بشر ........ ياناسى مين العبد المكرم عند الله
اتقى ربك يا ناسى ...... انه الله يحب كل من اتقاه
التقوى هى الكلمه الطيبه ...... والحب والاخلاص
التقوى انك تحب وتستر ..... ولا تزم فى خلق الله
اللى يسىء لك ........ قول حسبى ووكيلى هو الله
بلاش ترد الاساءه ........ وارمى حمولك على الله
الله يُمهل عبده ........... عساه العبد يرجع ويتندم
الله يمهل .......... وسبحانه فى حق عباده لايهمل
يابن ادم ياناسى ............ ان ربك عادل ولا يظلِم
السيئه لن تُجزى الا بمثلها ......... والحسنه تُثمر
يابخت اللى يقول كلمته ............ من غير مايُظلِم
يابخت اللى انظلم ........... وسلم امره لمن لايَظلِم
=========
الصابر
ليست هناك تعليقات:
إرسال تعليق