اول مره
===
اول مره تحب ياقلبى
اول مره تقول ياحبيبى
تقدر تقوللى ليه ياقلبى
ليه ناديته وقلت حبيبى
ياما نادى من قبله كتير
ليه معاه اصبحت اسير
.......
قوللى فيه ايه يزبد عنهم
وليه رفضت زمان حبهم
........
ليه فتحت بابك المقفول
ليه مقفلتوش على طول
.........
مالنا ومال الحب ياقلبى
محناش قد الحب ياقلبى
......
اول مره اشوفك فرحان
وبتحكى على الحب كلام
اول مره اشوفك حيران
خليتنى مش عارف انام
...........
مش يمكن يطلع كذاب
بسببه تعيش فى عذاب
وترجع تانى للاوهام
ونرجع تانى نسك الباب
على مهلك علىّ ياقلبى
طريق الحب كله عذاب
.............
على مهلك ياقلبى ليه تتعبنى
يمكن يطلع كذاب
ارحمنى ياقلبى بلاش تتعبنى
خليك قافل الباب
...................
رد علىّ قلبى وقال
ضحك ومعجبهوش الكلام
قال ياراجل يا كذاب
قال انت اللى فتحت الباب
.......
انت اللى ناديت عليه
انت اللى فى حبه غرقان
انت عايش هايم بيه
وعارف حبه شىء محال
..................
قلت لقلبى بلاش تتعبنى
كفايه ياقلبى سك الباب
كفايه اشوفه فى حلمى
كفايه اسمع انه فى اَمان
...........
ايوه انا بحبه بحبه ياقلبى
مقدرش انكر اى كلام
ادعيله ياقلبى يحفظه ربى
ينجيه من غدر الزمان
.........
بحبه ياقلبى وهو حبيبى
ربى يصونه فى كل مكان
هو عندى ملاك لحياتى
كفايه بشوفه فى الاحلام
=======
كلمات الصابر
ليست هناك تعليقات:
إرسال تعليق