مع قلبى
====
ياقلبى خبى خايف يظهر علىّ
ويشوف عزولى دموع عنيه
أو يقسى قلب حبيبى
ويروح بعيد عن عنيه
ويزيد عزولى فى جروحى
والناس كمان يجرحوا فىّ
.....
حبيت كتير فى دنيتى
ودمعتى دايما سابقه كلمتى
وكلمتى تايهه على الشفايف
ولمين اقول .؟ وايه اقول .؟
حتى غنوتى طالعه حزينه
ومين هيسمع مهما اقول ؟
لوعتى بتشدنى بترغمنى
أرجع تانى الى وحدتى
أمسح الدمع من عينى
اعود لخيالى ودروبى
ولاحد يشوف دموعى
لا عزولى ولا حبيبى
.........
قلبى طير حزين
طار كتير ويا الهوى
دايماّ يرجع حزين
أو مجروح من الهوى
مع كل جرح لحظة ندم
مع كل حب عرفت الالم
طريق المحبه ليه معايا غلط
مغشوش ومروى بماء الندم
الندم اصبح معايا زى القدر
اللى اتكتب زمان من الازل
.........
يوم مايحب قلبى
احب من كل قلبى
حبى يظهر فى همسى يظهر فى حرفى
حب حبيبى عندى يكون بعد حبى لربى
اخلاصى تلقاه ممزوج فى كل دمى
حب الصدق موروث من حبى لاأمى
معرفش اجرح ولا اعرف اخبى
ابوح بالحب حتى لو كان ضدى
...........
نار الغرام دائماّ بتعلا لفوق
مخدوع الغرام يطيرمحروق
عشق الغرام لايعرف ملك ولا مملوك
العشق حراق وبيكوى عيون القلوب
قلب العاشق دايما تلقاه ذليل مغلوب
تايه فى بحور الهوى ولاقادر يتوب
بحور العشق غويطه
يغرق فيها اكبر حوت
العاشق لو اشتكى ان خان حبيبه العهود
يغرق فى الهوى ويقولوا عليه مرحوم
كداب يللى تقول العشق شىء معلوم
العشق فارس فى ايده سيف مسلول
قلب العاشق مليان خيال
وأمتى الخيال كان فى يوم مضمون
قلب العاشق مليان حرمان
والمحروم عنيه ازاى تشوف النوم
..........
قالولى أنت بتحب
قلت بحب من كل قلبى
قالولى حبيبك مين
قلت تعالوا أسألوا قلبى
هوه اللى مخبيه
عن العيون مداريه
بحبه واخاف عليه
ينجرح ويكون السبب حبى
بقول للقلب داريه وللعيون غطيه
كفايه علىّ انه ساكن هنا فى قلبى
عيون القلب شايفاه
دايماّ بتحضن هواه
اخاف عليه من الاه
اخاف يجرحه حبى
======
ولكم تحياتى
الصابر
ليست هناك تعليقات:
إرسال تعليق