ياضارب الرمل
========
ياضارب الرمل
تعالى شوف بختى
سهران ليالى
افكر واقول فين بختى
قول وما تخبى
وخد كل ما عندى
بس ريحنى
وقولى ايه بختى
بقول يا دنيا
ليه معايا لبختى
يا موزع الحظوظ
ايه جرى لبختى
سمع كلامى ضارب الرمل
راح التفت قاللى
وشوش الودع فى سرك
وارميه هنا يابنى
وارمى بياضك ياشاطر
علشان الرمل يكتب لى
وهقرى اللى يكتبه الرمل
واقول ولااخبى
مسكت بايدى الودع
قلتله على سرى
قلتله على اللى حيرنى
قلتله على كل همى
ورميت الودع ع الرمل
وقلت اقرى ياعمى
جايز الودع ينصفنى
اويقدر يشيل همى
قال يا ابنى اسمعنى
هقول ولااخبى
شايف جروح شايف دموع
شايف الم فى القلب متخبى
قاللى دواك هو النسيان
واللى باعك بيعه ياابنى
وفكرك اللى فى قلبك
بلاش تفكر فيه
انساه ومن فكرك
امسحه وارميه
والزمان هيعوض عليك
بحبيب قلبه شاريك
وقال لى يوم ماتصاحب
صاحب وحاسب من الخاين
ده مهما تطعم فيه
بأيدك تطعمه وتسقيه
برضه تلاقيه خاين
ونصيحه لك منى ياابنى
هقولها واسمعنى
عمر الرمل
مايغير اللى انكتب ولا المكتوب
ارجع لربك ياشاطر
وعن مشى الردى توب
===============
يازهر قوللى
======
يازهر قولى منين سكتك
وانا اروح لك على القدم ماشى
بحايل فيك واقول لك
تعالى يوم زورنى
ليه مش راضى
ارحم دموعى ياحظى
وادينى ولو مره
حرام عليك لوعتى
دنا عيشتى بقت مره
انا عملت صياد سمك
واشتريت شبكه مع صنار
ورحت على بحر
وبعينى شفت السمك انواع
قعدت من الصباح للمسا
اطرح الشبكه واطعم الصنار
الشبكه دايما طالعه فاضيه
والسمك قطع الصنار
لو قالوا الصيد حرفنه
اقول الصيد ارزاق
واللى الحظ معاه تلقاه
يصطاد بلا صنار
وقليل البخت
لو فى الاساس صياد
قبل ما يطرح شباكه
تهرب الاسماك
============
ونشكر الله على كل شىء
واشكر العيون القارئه
الصابر
ليست هناك تعليقات:
إرسال تعليق