ياحب قوللى
========
ياحب قوللى ايه لونك
ليه معايا مليان ضباب ؟
ياقلبى يللى عايش يومك
بتنادى على حبيب كذاب
امتى ترمى كل همومك ؟
امتى معاك يتعدل الحال ؟
ان كنت صاحى ولا فى نومك
دايماّ طريقك أما وهم أو أحلام
.....
احترت معاك يللى اسمك قلب
ومعرفتش يوم ايه معنى الحب
ساعات اقول الحب جميل
وأعيش معاك اجمل حلم
ساعات اشوفه فى الخيال
وانادى عليه بأسم وعد
حتى الخيال ألقاه كداب
وتزيد العلل جوه القلب
أرجع تانى لعذاب الأهات
أقول كفايه أعيش فى وهم
.............
ياحب قوللى فين اراضيك
ياحب قوللى ازاى ارضيك
سنين طويله بنادى عليك
عايش العمر أستنى فيك
باب القلب فاتحه ليك
الامل كله شايفه فيك
تعالى ياوعد مشتاق اليك
ولا أنساك وأردم عليك?
....
ساعات كتير اشوفك أمير
وأقول أنت الحب الكبير
اقول جاى تفك الاسير
القاك تزود علىّ القيود
حبيبى يللى أسمك نصيبى
مشتاق أشوفك قبل ما أموت
قيد الزمان ادمى جروحى
تعالى ياروحى عدى السدود
.....
نفسى اقول جانى الزمان
جاب لى مره شوية حنان
نفسى أهرب من الخيال
واشوفك لو كنت جان
ياريت اجيلك ........... أو تيجينى أنت هنا
ملكت قلبى .... وانت هو......... حبيبى انا
وكل حبى القاك ياحظى ولو مره معايا انا
تعبنى ظلمى وعدم مقدرتى لأخد حقى انا
الفشل يظهر ابويا وقلة البخت امى انا
نفسى اجنى مازرعته بدون ظلمى انا
تقديرى دايما اخرته تكدير وجزاء لى انا
ياحظ عملت لابوك ايه وايه ذنوبى انا
...........
تحياتى وتقديرى
كلمات / الصابر
ليست هناك تعليقات:
إرسال تعليق